Aldaǵy jyly muǵalimderdiń eńbekaqysyn arttyrý úshin 2019 jyly 129 milliard teńge bólinedi. Bul týraly «NurOtanTrends» pikirtalas klýbynyń otyrysynda «Elbasy Joldaýy: qoǵamdy ortaq maqsattarǵa qalai jumyldyramyz?» taqyrybyn talqylaý kezinde Bilim jáne ǵylym vitse-ministri Ashat Aimaǵambetov málim etti, dep habarlaidy QazAqparat.
«Eńbekaqy taqyrybyna toqtalsaq, Memleket basshysy Joldaýynda Úkimet pen ministrliktiń aldynda eńbekaqyny ósirý maqsaty qoiyldy. Biz bul rette biyl 50 mlrd teńge bóldik. Jańartylǵan mazmunmen ári baǵdarlamamen bilim beretin pedagogtar eńbekaqydan 30 paiyz kóleminde ústemeaqy aldy. Ekinshiden, attestatsiianyń jańa júiesinen ótkender, iaǵni óz isiniń mamany ekenin dáleldegender eńbekaqydan 30- dan 50 paiyzǵa deiin qosymsha alý múmkindigine ie boldy. Osy baǵytqa 50 mlrd teńge bólindi», - dedi vitse-ministr.
A. Aimaǵambetovtyń sózinshe, 2019 jyldyń biýdjetinde osy maqsatqa 129 mlrd teńge qarastyrylǵan. Al 2020 jyldyń biýdjetinde 150 mlrd teńgege jýyq qarjy eskerilgen.
Budan bólek ol pedagogtardy qyzmetine tán emes jumystarǵa tartý problemasy tóńireginde sóz qozǵady.
«Eger de pedagogtardy qyzmetine tán emes jumystarǵa tartý máselesine toqtalsaq, shyn máninde bul jaǵdai problema bolyp tur jáne ony jasyrý durys emes», - dedi Ashat Aimaǵambetov.
Esterińizge sala keteiik, 2018 jylǵy 5 qazandaǵy Qazaqstan Respýblikasynyń Prezidenti Nursultan Nazarbaev Qazaqstan halqyna Joldaýyn jariialady.
