Nursultan Nazarbaev «Silýmin-Vostok» jaýapkershiligi shekteýli seriktestigine bardy, dep habarlaidy "Ult aqparat" Aqordaǵa silteme jasap.
Qazaqstan Prezidenti «SV» ónerkásiptik jabdyqtardy shyǵaratyn «Silýmin-Vostok» jaýapkershiligi shekteýli seriktestigi zaýytynyń jumysymen tanysty.
Kásiporyn qurylys pen infraqurylym, mashina jasaý, energetika, metallýrgiia, taý-ken jáne munai himiiasy ónerkásibi salalarynda injiniringtik qyzmet kórsetý isine mamandanǵan.
Kásiporyndy aralaý barysynda Memleket basshysyna qubyr júrgizý kezinde qoldanylatyn armatýralardy, nasostyq qural-jabdyqtardy, elektrotehnikalyq ónim men blokty-modýldik ǵimarattardy daiyndaý úderisi tanystyryldy.
Nursultan Nazarbaev kásiporyn ujymymen de kezdesip, áńgimelesti.
Elbasy Shyǵys Qazaqstan oblysynyń ónerkásiptik áleýeti men damý qarqynyn atap ótti.
– Óńirde ónerkásip salasy órkendep, indýstriialyq baǵdarlama aiasynda 46 joba júzge asyryldy. Jańa jumys oryndarymen qamtamasyz etip jatqan kásiporyndar salynýda. Atap aitqanda, 7500-ge jýyq adam jumysqa ornalasty, – dedi Memleket basshysy.
Sońynda Nursultan Nazarbaev kásiporyn jumysshylaryna tabys tilep, óndiristik kórsetkishterdiń odan ári arta berýine niettestik bildirdi.
