Elbasy «Nazarbaev Ýniversiteti» derbes bilim berý mekemesiniń prezidenti Shigeo Katsýdy qabyldady, dep habarlaidy elbasy.kz saity.
Kezdesýde «Nazarbaev Ýniversitetiniń» 10 jyl ishinde qol jetkizgen basty jetistikteri men joǵary oqý ornyn odan ári damytý strategiiasyn júzege asyrý barysy talqylandy.
Elbasy «Nazarbaev Ýniversitetiniń» az ýaqyt ishinde joǵary bilikti kásipqoi kadr daiarlaityn jáne otandyq ǵylymdy damytatyn jetekshi oqý ornyna ainalǵanyn atap ótti.
«Jas memleketimizge zamanaýi kadrlar qajet boldy, sondyqtan aldymen «Bolashaq» baǵdarlamasyn jariialadym. Ýaqyt óte kele bakalavrlardy «Nazarbaev Ýniversitetinde» daiarlai bastadyq. Men osy joǵary oqý ornyna jii baryp, diplom tapsyrý rásimine qatysyp turamyn. Ýniversitettiń keleshegi zor. Qazir ol kóptegen otandyq joǵary oqý oryndaryna úlgi bolyp otyr. Osynyń bári – sizdiń eńbegińizdiń jemisi», – dedi Qazaqstannyń Tuńǵysh Prezidenti.
Nursultan Nazarbaev oqý ornyn ári qarai damytý kerektigine, sonyń ishinde jasandy intellekt tehnologiiasyn damytý men qoldaný salasyndaǵy jobalardy júzege asyrýǵa nazar aýdardy.
«Bizdiń baǵdarlamamyzdyń kelesi damý kezeńi – Jasandy intellekt kampýsyn ashý. Ony Almatyda qurý josparlanyp otyr. Jobany iske asyrýǵa qatysatyn sheteldik kompaniialarmen kelissóz de júrgizildi», – dedi Elbasy.
Óz kezeginde Sh.Katsý Ýniversitettiń 2018-2030 jyldarǵa arnalǵan strategiiasynyń negizgi indikatorlaryna qol jetkizilgeni týraly baiandady. «Nazarbaev Ýniversiteti» derbes bilim berý mekemesi prezidentiniń málimetine sáikes, búginde joǵary oqý ornynda 6,8 myńnan astam stýdent bilim alýda. Ashylǵannan beri 5 myńnan astam ǵylymi maqala jaryq kórip, 300 ǵylymi joba júzege asty. Ǵylymi zertteýlerdiń sapasy boiynsha «Nazarbaev Ýniversiteti» Eýraziia keńistigindegi 10 úzdik joǵary oqý ornynyń qataryna qosylyp, qurlyqtaǵy jetekshi oqý oryndaryna básekeles bolyp otyr.
