Nursultan Nazarbaev Joǵary Eýraziialyq ekonomikalyq keńestiń otyrysyna qatysty, dep habarlaidy "Ult aqparat" Elbasynyń resmi saityna silteme jasap.
Otyrysta Joǵary Eýraziialyq ekonomikalyq keńestiń Qurmetti tóraǵasy Nursultan Nazarbaev Ózbekstan men Kýba respýblikalaryna Eýraziia ekonomikalyq odaǵy janyndaǵy baqylaýshy memleket mártebesin berý arqyly birlestiktiń geografiialyq aýqymyn keńeitýdiń kelesi kezeńiniń mańyzyn atap ótti.
– Biz jumysty odan ári kúsheitip, odaqtyń ózge eldermen jáne integratsiialyq birlestiktermen ózara yqpaldastyǵyn jalǵastyrýymyz kerek, – dedi Elbasy.
Qazaqstannyń Tuńǵysh Prezidenti Eýraziialyq ekonomikalyq odaqqa múshe elder arasynda COVID-19 pandemiiasyna qarsy kúreste ózara gýmanitarlyq kómek almasýdaǵy yntymaqtastyqtyń deńgeii joǵary ekenin atap ótti.
– Birlesken is-sharalar daǵdarys saldaryn eńserýge jáne odaqtyń damýyn joǵary deńgeige kóterýge septigin tigizedi dep senemin, – dedi Joǵary Eýraziialyq ekonomikalyq keńestiń Qurmetti tóraǵasy.
Nursultan Nazarbaev odaq ekonomikasyn odan ári damytý, onyń ishinde álemdik óndiris pen saýda joldaryn tartý úshin zor áleýet bar ekenin atap ótti.
Joǵary Eýraziialyq ekonomikalyq keńestiń Qurmetti tóraǵasy qazirgi jaǵdaida birlese damýdyń birneshe baǵytyn usyndy.
– Odaq elderiniń óndiristik áleýetin integratsiialaý qarqynyn jedeldetý kerek. Sondai-aq Eýraziialyq ekonomikalyq odaq aýmaǵynda jáne odan tys jerlerde de saýda kólemin ulǵaitý qajet. Sonymen qatar bizdiń birlestigimiz tsifrlandyrylǵan belsendi platformaǵa ainalýǵa tiis. Bul odaqqa múshe elderdiń ekonomikalyq qarym-qatynastaryna oń áserin tigizedi, – dedi Elbasy.
Qazaqstannyń Tuńǵysh Prezidenti odaqtyń ortaq naryǵyn qurý jáne kedergisiz keńistik qalyptastyrý jumystaryn jalǵastyrýdyń mańyzdylyǵyn atap ótti.
– Biz birlese otyryp, Eýraziialyq ekonomikalyq odaqty odan da kúshti jáne básekege qabiletti ete alatynymyzǵa senimdimin. Ortaq naryq pen kedergisiz keńistik qalyptastyrý jumysyn jalǵastyrý kerek, – dedi Nursultan Nazarbaev.
Sońynda Joǵary Eýraziialyq ekonomikalyq keńestiń Qurmetti tóraǵasy búgingi otyrys qorytyndysy boiynsha barlyq tarap úshin ózara tiimdi sheshimder qabyldaýǵa bolatynyna senim bildirdi.
