Memleket basshysy Nursultan Nazarbaev ánshi Dimash Qudaibergenge arnaiy stipendiia taǵaiyndady. Bul týraly búgin Mádeniet jáne sport ministri Arystanbek Muhamediuly málim etti, dep habarlaidy QazAqparat.
Ministr bul aqparatty búgin Qazaq Ulttyq óner ýniversitetinde Dimashpen birge ótken kezdesý kezinde aitty.
«Búgin Ulttyq ýniversitette erekshe kún. Bárimiz birge Dimashty óner ordasynda qarsy alyp otyrmyz. Bul elimizge úlken maqtanysh. Dimash jastaiynan ózin ónerge arnap, Aqtóbedegi óner ýchilishesinde, endi Astanadaǵy Óner akademiiasynda dáris alyp júr», - degen ministr, jas darynnyń ata-anasy - Qanat pen Sveta Aitbaevtarǵa, Dimashtyń ustazdaryna alǵysyn aitty.
«Dimash aiaq astynan tanymal bolǵan joq, burynnan konkýrstarǵa qatysyp keledi. Dimashtyń burynnan beri halyqaralyq baiqaýlarǵa, memlekettiń úlken kontsertterine qatysyp júrgenin jaqsy bilesizder. Jaqynda ǵana Elbasy óziniń arnaiy stipendiiasymen Dimashty basqa da óner adamdarymen birge qurmettedi. Bizdiń Elbasymyzdyń Dimashqa degen qamqorlyǵyn osynnan bilýge bolady», - dedi ministr.
