مەملەكەت باسشىسى نۇرسۇلتان نازارباەۆ ەنشٸ ديماش قۇدايبەرگەنگە ارنايى ستيپەندييا تاعايىندادى. بۇل تۋرالى بٷگٸن مەدەنيەت جەنە سپورت مينيسترٸ ارىستانبەك مۇحامەديۇلى مەلٸم ەتتٸ, دەپ حابارلايدى قازاقپارات.
مينيستر بۇل اقپاراتتى بٷگٸن قازاق ۇلتتىق ٶنەر ۋنيۆەرسيتەتٸندە ديماشپەن بٸرگە ٶتكەن كەزدەسۋ كەزٸندە ايتتى.
«بٷگٸن ۇلتتىق ۋنيۆەرسيتەتتە ەرەكشە كٷن. بەرٸمٸز بٸرگە ديماشتى ٶنەر ورداسىندا قارسى الىپ وتىرمىز. بۇل ەلٸمٸزگە ٷلكەن ماقتانىش. ديماش جاستايىنان ٶزٸن ٶنەرگە ارناپ, اقتٶبەدەگٸ ٶنەر ۋچيليششەسٸندە, ەندٸ استاناداعى ٶنەر اكادەميياسىندا دەرٸس الىپ جٷر», - دەگەن مينيستر, جاس دارىننىڭ اتا-اناسى - قانات پەن سۆەتا ايتباەۆتارعا, ديماشتىڭ ۇستازدارىنا العىسىن ايتتى.
«ديماش اياق استىنان تانىمال بولعان جوق, بۇرىننان كونكۋرستارعا قاتىسىپ كەلەدٸ. ديماشتىڭ بۇرىننان بەرٸ حالىقارالىق بايقاۋلارعا, مەملەكەتتٸڭ ٷلكەن كونتسەرتتەرٸنە قاتىسىپ جٷرگەنٸن جاقسى بٸلەسٸزدەر. جاقىندا عانا ەلباسى ٶزٸنٸڭ ارنايى ستيپەنديياسىمەن ديماشتى باسقا دا ٶنەر ادامدارىمەن بٸرگە قۇرمەتتەدٸ. بٸزدٸڭ ەلباسىمىزدىڭ ديماشقا دەگەن قامقورلىعىن وسىننان بٸلۋگە بولادى», - دەدٸ مينيستر.
