Memleket basshysy Nursultan Nazarbaev Qazaqstanda tennisti damytý úshin 10 jyl ishinde barlyq jaǵdai jasalǵanyn atap ótti. Korttar sany tórt ese ósip, 60-tan 244-ke jetti, sondai-aq tennispen ainalysatyn sportshylar sany jyl saiyn artyp kele jatyr, dep habarlaidy Aqordanyń baspasóz qyzmeti.
- Tennis sporty tiisti infraqurylym bolǵanda ǵana damidy. Ár óńirde balalar sportpen shuǵyldanyp, biikterdi baǵyndyrýy úshin álemdik standartqa sai tennis ortalyqtary salynýǵa tiis. Osy tennis ortalyǵynda jattyǵatyn sportshylar álemdik deńgeidegi juldyzdarǵa ainalady dep úmittenemin, - dedi Nursultan Nazarbaev.
Jalpy kólemi 8100 sharshy metr bolatyn «Eis» tennis ortalyǵynda «hard» qatty jabyndysy tóselgen 4 jabyq jáne 6 ashyq kort bar. Sondai-aq, munda 2 trenajer zaly, meditsinalyq pýnkt, kiim aýystyratyn bólmeler, nusqaýshylar kabinetteri, konferents-zal, tamaqtaný oryndary ornalasqan. Barlyq kort halyqaralyq talaptarǵa sai keletin jaryq berý júiesimen qamtamasyz etilgen. Bul jaz mezgilinde «ATP Challenger» deńgeiindegi týrnirlerdi ótkize alatyn Almatydaǵy birden-bir tennis ortalyǵy.
Sport nysany jeke investorlardyń qarjysyna salyndy.
