مەملەكەت باسشىسى نۇرسۇلتان نازارباەۆ قازاقستاندا تەننيستٸ دامىتۋ ٷشٸن 10 جىل ٸشٸندە بارلىق جاعداي جاسالعانىن اتاپ ٶتتٸ. كورتتار سانى تٶرت ەسە ٶسٸپ, 60-تان 244-كە جەتتٸ, سونداي-اق تەننيسپەن اينالىساتىن سپورتشىلار سانى جىل سايىن ارتىپ كەلە جاتىر, دەپ حابارلايدى اقوردانىڭ باسپاسٶز قىزمەتٸ.
- تەننيس سپورتى تيٸستٸ ينفراقۇرىلىم بولعاندا عانا داميدى. ەر ٶڭٸردە بالالار سپورتپەن شۇعىلدانىپ, بيٸكتەردٸ باعىندىرۋى ٷشٸن ەلەمدٸك ستاندارتقا ساي تەننيس ورتالىقتارى سالىنۋعا تيٸس. وسى تەننيس ورتالىعىندا جاتتىعاتىن سپورتشىلار ەلەمدٸك دەڭگەيدەگٸ جۇلدىزدارعا اينالادى دەپ ٷمٸتتەنەمٸن, - دەدٸ نۇرسۇلتان نازارباەۆ.
جالپى كٶلەمٸ 8100 شارشى مەتر بولاتىن «ەيس» تەننيس ورتالىعىندا «حارد» قاتتى جابىندىسى تٶسەلگەن 4 جابىق جەنە 6 اشىق كورت بار. سونداي-اق, مۇندا 2 ترەناجەر زالى, مەديتسينالىق پۋنكت, كيٸم اۋىستىراتىن بٶلمەلەر, نۇسقاۋشىلار كابينەتتەرٸ, كونفەرەنتس-زال, تاماقتانۋ ورىندارى ورنالاسقان. بارلىق كورت حالىقارالىق تالاپتارعا ساي كەلەتٸن جارىق بەرۋ جٷيەسٸمەن قامتاماسىز ەتٸلگەن. بۇل جاز مەزگٸلٸندە «ATP Challenger» دەڭگەيٸندەگٸ تۋرنيرلەردٸ ٶتكٸزە الاتىن الماتىداعى بٸردەن-بٸر تەننيس ورتالىعى.
سپورت نىسانى جەكە ينۆەستورلاردىڭ قارجىسىنا سالىندى.
