Búgin elordada ótip jatqan VIII Azamattyq forýmda Elbasy Nursultan Nazarbaev qarttar men balalar úilerin biriktirý máselesin qarstyrýdy tapsyrdy, dep habarlaidy QazAqparat tilshisi.
«Biz qartaiatyndyǵymyzdy eshqashan oilamaimyz. Barlyǵymyz da qart bolamyz. Búgin jaspyz jáne aldymyzda myńdaǵan jyl bardai kórinedi. Bul óte jyldam ótedi, kóz aldyńa elestetip te úlgere almaisyń. Ásirese, bizdiń qazaqtarǵa ata-anasyna qamqorlyq jasaý degen ata-babamyzdan qalǵan salt bolatyn. Qazir men aqsaqaldardyń úiine baryp, qazaqtyń úlken atalary men ájeleri otyrǵanda janym aýyrady. «Aqsaqal balalaryńyz bar ma?» dep surasań, «qaitesiń», dep teris qarap jylaidy. Sonda qalai bolǵany? Sonda biz ózimizdiń saltymyzdan, ǵurpymyzdan ajyraǵanymyz ba? Áke-sheshemizdi qarttar úiine aparyp tastap úide qalai otyramyz?», - dedi Nursultan Nazarbaev.
Memleket basshysy batysta mundai úilerdiń bar ekendigin atap ótti. Biraq, ondaǵy qarttar óz úilerinde suhbattasar serigi, kórshileri, qatarlastary bolmaǵandyqtan óz erikterimen baratyndyǵyn aitty.
«Qazir qarttar úii men balalar úiin biriktirý týraly usynys túsip jatyr eken. Múmkin muny da qarastyryp kórgen jón bolar», - dedi QR Prezidenti.
