Elbasy Abý-Dabidiń taq murageri, Birikken Arab Ámirlikteriniń Qarýly kúshteri Joǵarǵy Bas qolbasshysynyń orynbasary, sheih Muhammed ben Zaid Ál Nahaianmen kezdesti. Bul týraly elbasy.kz saity habarlady.
Nursultan Nazarbaev pen Abý-Dabidiń taq murageri Qazaqstan men Birikken Arab Ámirlikteri arasyndaǵy dástúrli dostyq qatynastardyń qarqyndy damyp kele jatqanyna joǵary baǵa berdi.
Osy oraida Qazaqstan Premer-Ministri A.Maminniń Abý-Dabi qalasyna barǵan saparynyń qorytyndysy atap ótildi. Bul saparda Qazaqstan ekonomikasynyń basym salalarynda jalpy investitsiia kólemi 6 milliard dollardan asatyn jobalardy damytý úshin uzaq merzimdi strategiialyq áriptestik ornatý týraly úkimetaralyq qujatqa qol qoiylǵan bolatyn.
Elbasy Birikken Arab Ámirlikteriniń halqyn eldiń qurylǵanyna 50 jyl tolǵan mereili toiymen shyn júrekten quttyqtap, az ǵana tarihi kezeńde ár salada biik jetistikterge qol jetkizgenin airyqsha atap ótti.
Kezdesý barysynda Qazaqstannyń Tuńǵysh Prezidenti sheih Muhammed ben Zaid Ál Nahaianǵa «Iadrolyq qarýsyz álem jáne jahandyq qaýipsizdik úshin Nazarbaev syilyǵyn» tapsyrdy. Ol Taq muragerine beibitshilikti, óńirlik turaqtylyq pen ornyqty ekonomikalyq damýdy qamtamasyz etýge qosqan úlesi úshin berildi.
Óz kezeginde Muhammed ben Zaid Ál Nahaian Elbasyǵa jáne N.Nazarbaev syilyǵyn berý jónindegi komitet múshelerine óziniń qyzmetin joǵary baǵalaǵany úshin rizashylyǵyn bildirdi.
Nursultan Nazarbaevtyń Qazaqstan men Birikken Arab Ámirlikteri arasynda qarym-qatynas ornatý men nyǵaitýǵa qosqan zor róli men eńbegin atap ótken Abý-Dabidiń taq murageri baýyrlas memleketter arasyndaǵy yntymaqtastyq aldaǵy ýaqytta tereńdei túsetinine senim bildirdi.
Sondai-aq áńgime barysynda taraptar halyqaralyq jáne óńirlik kún tártibindegi ózekti máselelerge qatysty ózara pikir alysty.
Aita keteiik, «Iadrolyq qarýsyz álem jáne jahandyq qaýipsizdik úshin Nazarbaev syilyǵyn» QR Tuńǵysh Prezidenti – Elbasy 2016 jyly taǵaiyndady. Ol iadrolyq qarýdy taratpaýǵa, iadrolyq synaqtardy toqtatýǵa, iadrolyq energiiany beibit maqsatta paidalanýǵa qosqan asa zor úlesi úshin, sondai-aq beibitshilik pen dostyqty, halyqtar arasyndaǵy ózara senimdi nyǵaitýǵa, memleketaralyq qatynastarda teńdik pen teń qaýipsizdikti qamtamasyz etýge baǵyttalǵan belsendi qyzmeti úshin beriledi. Buǵan deiin Iordaniia Koroli II Abdalla, MAGATE-niń Bas direktory Iýkiia Amano, Iadrolyq synaqtarǵa jappai tyiym salý týraly shart uiymynyń Atqarýshy hatshysy Lassina Zerbo osy syilyqpen marapattaldy.
