2019 jylǵy qańtar-maýsymda halyqtyń naqty aqshalai kirisiniń ósýi 5,1 paiyz boldy. Bul týraly QR Ulttyq bankinen málim etti, dep habarlaidy "Ult aqparat".
«Halyqtyń naqty aqshalai kirisiniń ósýi 2019 jylǵy qańtar-maýsymda 5,1 paiyz boldy. Aǵymdaǵy jyldyń ekinshi toqsanynda naqty jalaqy 8,9 paiyzǵa deiin ósti. Kórsetkishtiń ósýi ekonomikanyń barlyq sektorlarynda baiqaldy. Tutynýshylyq suranystyń keńeiýine áleýmettik qoldaýǵa, jalaqyǵa biýdjettik shyǵystardyń ulǵaiýy jáne tutynýshylyq kreditteýdiń aǵymdaǵy jylǵy shildedegi jyldyq kórsetkish boiynsha 24,1 paiyzǵa ósýin saqtaý arqyly qoldaý kórsetiledi», - dedi Ulttyq bankten.
Taratylǵan aqparatqa qaraǵanda, 2019 jylǵy qańtar-shildede bólshek saýda ainalymynyń 5,4 paiyzǵa ósýi baiqalady. Tutynýshylyq import aǵymdaǵy jylǵy 1-jartyjyldyqta 4,8 paiyzǵa ósti. Negizgi úles 7,3 paiyzǵa ósken azyq-túlikke jatpaityn taýarlar importynyń bóliginde baiqalady. Ishki ekonomikalyq belsendiliktiń ósýi Ulttyq banktiń kútýinen joǵary deńgeide saqtalady. Aǵymdaǵy jylǵy qańtar-shildede qysqa merzimdi ekonomikalyq indikator 4,4 paiyzǵa ulǵaidy. Onyń ishinde qurylysta 11,5, saýdada 7,5, kólikte 5,4, aýyl sharýashylyǵynda 3,5 óńdeýshi jáne taý-ken óndirý ónerkásibinde tiisinshe 3,2 jáne 2,4 paiyzǵa ósti. Mundai serpin 2019 jylǵy qańtar-tamyzda 11,3 paiyzǵa ósken investitsiialardyń keńeiýimen nyǵaiady. Importtalatyn investitsiialyq taýarlarǵa suranys iri infraqurylymdyq jáne investitsiialyq jobalardyń (TShO-ny keńeitý, «Saryarqa» gaz qubyryn tartý jáne basqalary) iske asyrylýy nátijesinde 24,9 paiyzǵa ulǵaidy.
«Ulttyq banktiń baǵalaýy boiynsha, 2019 jyly Qazaqstannyń ekonomikalyq ósýi 3,8 paiyzdy quraidy. Orta merzimdi perspektivada Qazaqstan ekonomikasynyń ósý qarqyny birshama baiaýlaidy. Biraq 2020 jyly salystyrmaly joǵary – 3,5 paiyzdyq mánde qalady. Qysqa merzimdi perspektivada úi sharýashylyqtaryn tutyný men investitsiialyq belsendiliktiń ósýi negizgi qozǵaýshy kúsh bolady. Fiskaldyq yntalandyrý áseriniń álsireýi jáne taza eksport serpininiń tómendeýi nátijesinde ekonomikalyq ósýdiń keiinen baiaýlaýy boljanady», - dedi qarjylyq retteýshi.
