EL ARNA telearnasynyń direktory qyzmetine Nurbol Meirhanuly Almanov taǵaiyndaldy, dep habarlaidy QazAqparat.
«Habar» agenttiginiń baspasóz qyzmeti málimdegendei, ol buǵan deiin «Jol aktivteriniń ulttyq sapa ortalyǵy» respýblikalyq memlekettik mekemesiniń qoǵammen bailanys jáne baspasóz qyzmeti bóliminiń bastyǵy bolǵan.
Nurbol Meirhanuly 1997 jyly T. Júrgenov atyndaǵy Qazaq óner akademiiasyn - kinotanýshy-redaktor, 2015 jyly «Turan» ýniversitetin zań, 2019 jyly Taraz memlekettik ýniversitetin jýrnalistika mamandyqtary boiynsha bitirgen. Ol otandyq telearnalarda tilshi, redaktor, jaýapty redaktor qyzmetterin atqardy.
«Qazaqstan» RTRK-da qoǵamdyq-saiasi bólimi basshysynyń orynbasary, «Nur Otan» HDP media-ortalyǵy basshysynyń orynbasary, basshysy, «ERA TV» 7 arna JShS baǵdarlamalar direktsiiasynyń direktory, «Media Astana» prodiýserlik ortalyǵynyń bas prodiýseri, Mádeniet jáne sport ministrliginiń baspasóz hatshysy boldy.
