Kiev ýaqytymen keshki 20.00-de Ýkrainadaǵy prezident sailaýyna bailanysty ekzit-poll qorytyndysy jariialandy, dep habarlaidy Azattyq.
Onyń nátijesi tómendegidei boldy:
- 43,9% - "Halyq qyzmetshisi" (Vladimir Zelenskii partiiasy);
- 11,5% – "Ómir úshin oppozitsiialyq platformasy";
- 8,9% – "Eýropamen yntymaqtastyq" (Petr Poroshenko partiiasy);
- 7,6% – "Batkivshina" jalpyýkrainalyq birlestik" partiiasy (Iýliia Timoshenko partiiasy);
- 6,3% – "Daýys" (mýzykant Sviatoslav Vakarchýk partiiasy).
Osylaisha aldyn ala málimetke sáikes, Joǵarǵy Radaǵa bes partiia ótken.
Bul Kiev ýaqytymen keshki 18.00-degi jaǵdai boiynsha ekzit-poll qorytyndysy jáne ol tek partiialyq tizim boiynsha sailanatyn (225) depýtattarǵa bailanysty kórsetkish.
21 shildede Ýkrainada kezekten tys parlament sailaýy ótti. Oǵan sailaýshylardyń 36,6 paiyzy qatysqan.
2014 jylǵy parlament sailaýy siiaqty bul joly da Ýkrainada proportsionaldy-majoritarly sailaý júiesimen daýys berdi. Oǵan 22 partiia, 6 myńǵa jýyq kandidat qatysqan.
Bir palataly Joǵarǵy Radadaǵy 450 orynnyń jartysy partiialyq tizim boiynsha, qalǵan jartysy – majoritarlyq (bir mandattyq) júie boiynsha sailanady. Biraq reseishil separatister baqylaýyndaǵy Donetsk men Lýgansk oblystaryndaǵy keibir aýdandarda, sonymen birge 2014 jyly Resei ózine qosyp alǵan Qyrym túbeginde daýys berý ótpegendikten, bul joly Radaǵa 424 depýtat sailanady.
Vladimir Zelenskii mamyr aiynda prezident retinde qyzmetine kirise sala Joǵarǵy Radany taratatynyn málimdegen edi. Ol ýkrainalyqtardyń parlamentke senimi joǵalǵanyn aitqan.
