EQYU janyndaǵy Ulybritaniia misssiiasy 2022 jyldyń 20 qańtarynda Venada Qazaqstandaǵy ahýal talqylanǵan uiymnyń Turaqty keńesi otyrysyndaǵy málimdemesin jariia etti, dep habarlaidy QazAqparat tilshisi.
«Jaqyn dos retinde biz sońǵy aptada Qazaqstan halqy tap bolǵan qaiǵyly oqiǵalarǵa alańdaýshylyq tanytamyz. Zorlyq-zombylyq saldarynan adamdardyń qaza tabýyna tereń kúizelemiz jáne qaitys bolǵandardyń otbasylaryna kóńil aitamyz. Zorlyq-zombylyq jáne múlikterdi qiratý aktilerin aiyptaimyz jáne Almaty jáne basqa qalalardyń tynys-tirshiligi qalypty arnaǵan túse bastaǵanyna qýanyshtymyz», - dedi EQYU janyndaǵy Ulybritaniianyń turaqty ókili, Elshisi Nil Býsh.
Britan delegatsiiasy Prezident Qasym-Jomart Toqaevtyń óziniń jariia sóz sóileýlerinde beibit sherýshiler men Almatyda jáne ózge de birqatar qalada beibit narazylyqty basyp alǵan «uiymdasqan qylmystyq elementter» arasyndaǵy naqty aiyrmashylyqty atap ótkenin qoldady. Diplomat sońǵy toptyń «konstitýtsiialq bilikti qulatý maqsaty bolǵandyǵy aiqyn» ekendigin atap óte kele, bul másele «tyńǵylyqty tergeý júrgizýdi talap etetindigin» basa aitty.
«Qazaqstan Prezidentiniń osynaý teńdessiz oqiǵanyń shyǵýyna ne túrtki bolǵanyn anyqtaý úshin tergeý komissiiasyn qurý sheshimin qoldaimyz. Qazaqstan biliginiń bul tergeýlerdiń tiimdi ári ashyq jáne Qazaqstan halqynyń senimine ie bolýyna beiil tanytýyna qoldaý bildiremiz», - dedi britan Elshisi.
