EQYU janyndaǵy AQSh misssiiasy 2022 jyldyń 20 qańtarynda Venada Qazaqstandaǵy ahýal talqylanǵan uiymnyń Turaqty keńesi otyrysyndaǵy málimdemesin jariia etti, dep habarlaidy QazAqparat.
EQYU janyndaǵy AQSh-tyń turaqty ókili, Elshi Maikl Karpenter qańtardaǵy oqiǵalar kezindegi adamdardyń ólimine bailanysty qazaqstandyqtarǵa kóńil aityp, Qazaqstannyń egemendigi men táýelsizdigine árdaiym qoldaý kórsetiletinin atap ótti.
«Qazaqstan halqynyń jáne onyń konstitýtsiialyq qurylymynyń beriktigine, sonymen qatar olardyń osynaý daǵdarystan ońalýǵa qabiletti ekendigine senemiz», - dep atap ótti amerikalyq diplomat.
M.Karpenter AQSh Memlekettik hatshysy E.Blinkenniń sózine súiene otyryp, Vashington Qazaqstanmen seriktestikten ainymaityndyǵyn jáne Prezident Qasym-Jomart Toqaev usynǵan reformalarǵa qoldaý kórsetetindigin qýattady.
Amerika ókili qazaqstandyq bilikti tergeýlerdiń ashyqtyǵyn qamtamasyz etýge jáne qajetti quqyqtyq protsedýralardy saqtaýǵa, sondai-aq beibit jolmen ózderiniń narazylyǵyn bildirýshiler men zorlyq-zombylyqqa, tonaýǵa qatysýshylar arasyn saralaýǵa, ustalǵan tulǵalardyń barlyq sanattary úshin tiisti quqyqtyq protsedýralardy qamtamasyz etýge shaqyrdy. Úkimet pen azamattyq qoǵamnyń beibit elementteri arasyndaǵy syndarly dialogtyń mańyzdylyǵy aityldy. Azamattardyń beibit jinalystardy erkin júzege asyrý, BAQ-qa qurmet tanytý jáne bostandyǵyn qoldaý mańyzdylyǵy erekshe atalyp ótildi.
«Biz Prezident Qasym-Jomart Toqaev 11 qańtarda ultqa arnaǵan úndeýinde atap ótkenindei, Qazaqstanmen mańyzdy ekonomikalyq, saiasi, bilim berý jáne ekologiialyq máseleler boiynsha seriktestigimizdiń jalǵasýyn taǵatsyzdana kútemiz», - dep atap ótedi AQSh Elshisi.
Onyń atap ótýinshe, Qazaqstandaǵy EQYU ókildigi qoǵam turaqtylyǵyn nyǵaitý jáne reformalardy ilgerletýge járdemdesý úshin paidaly quraldarǵa ie.
