QR Ortalyq sailaý komissiiasy Qazaqstan Parlamenti Májilisiniń jáne máslihat depýtattarynyń sailaýyna 33 sheteldik baiqaýshyny akkredittedi, dep habarlaidy "Ult aqparat".
QR OSK múshesi Anastasiia Shegortsovanyń aitýynsha, 2020 jyldyń 22 qazanynda sailaýdy halyqaralyq baiqaý institýty ashylǵannan beri Ortalyq sailaý komissiiasy 2 otyrys ótkizip, 39 baiqaýshynyń akkredittedi.
Onyń ishinde TMD-ǵa qatysýshy memleketterdiń Parlamentaralyq assambleiasynan - 29 baiqaýshy, TMD missiiasy quramynda - 6 baiqaýshy jáne Islam yntymaqtastyq uiymynan 4 baiqaýshy bar.
«2020 jylǵy 7 jeltoqsandaǵy jaǵdai boiynsha QR OSK-ge Syrtqy ister ministrliginen 12 baiqaýshy Eýropadaǵy qaýipsizdik jáne yntymaqtastyq uiymynyń Demokratiialyq institýttar jáne adam quqyqtary biýrosynan akkreditteýge usynyldy. Sonymen birge 11 baiqaýshy 5 shet memleketten akkreditteýge usynylyp otyr. Onyń ishinde: Iordaniiadan - 3, Qyrǵyz, Moldiv, Moldova, Túrik Respýblikalarynan árqaisysynan - 2 baiqaýshydan. Akkreditteýge usynystardyń kelip túsýine qarai baiqaýshylar jónindegi derekter jańartylyp otyrady», - dedi ol.
Onyń atap ótýinshe, «QR-daǵy sailaý týraly» Konstitýtsiialyq zańǵa sáikes, shet memleketter men halyqaralyq uiymdardyń baiqaýshylaryn akkreditteý daýys berý kúninen 5 kún buryn, jergilikti ýaqytpen 18-00-de aiaqtalady.
«Iaǵni, 2021 jyldyń 4 qańtar kúni saǵat 18-00-de aiaqtalady», - dedi Anastasiia Shegortsova.
