Foto: © AFP 2024 / RODRIGO BUENDIA
Ekvadorda tártipsizdikter saldarynan zardap shekken azamattar arasynda qazaqstandyqtar joq. Bul týraly Qazaqstannyń Syrtqy ister ministrligi habarlady, dep jazady Sputnik Qazaqstan.
"Qazirgi ýaqytta Ekvadorda turaqty negizde turatyn 7 Qazaqstan azamaty bar, barlyǵy konsýldyq esepte. Olardan basqa bul elge týrist retinde barǵan 3 adamnan turatyn qazaqstandyq otbasy bar", - delingen habarlamada.
SIM aqparatynsha, konsýl olardyń barlyǵymen habarlasyp, tikelei bailanys ornatqan. Sondai-aq qaýipsizdik sharalary týraly tiisti nusqaýlyq bergen.
"Zardap shekkender arasynda Qazaqstan azamattary joq", - dep málimdedi vedomstvodaǵylar.
Esterińizge sala keteiik, Ekvadordaǵy tártipsizdikter 7 qańtarda "Los-Choneros" bandasynyń lideri túrmeden qashyp ketkennen keiin bastaldy. Jaǵdai ýshyqqan soń el prezidenti 60 kúnge tótenshe jaǵdai jariialady. Qarýly qaqtyǵys bastalǵanyn rastaityn jarlyq shyǵardy.
Biliktiń áreketi qylmyskerlerdiń ashýyn týǵyzdy. Olar qala kóshelerinde avtobýstar men kólikterdi órtei bastady, Gýaiakilde qoldan jasalǵan jarylǵysh zattar jaryldy.
Tártipsizdikter bastalǵannan keiin Ekvador politsiiasy men áskerileri 329 qylmyskerdi ustaǵan jáne reid barysynda bes terroristiń kózin joidy.
