Eksporttyq taýarlar shyǵynyn tómendetýge jańa tsifrlyq sheshimder septigin tigizedi. Bul týraly Sheteldik investorlar keńesiniń 33-jalpy otyrysynda QR Saýda jáne integratsiia ministri Baqyt Sultanov aitty, dep habarlaidy QazAqparat.
«Eksporttyq taýarlar shyǵynyn tómendetýge jańa tsifrlyq sheshimder septigin tigizetin bolady. Saýda ministrligi qazirdiń ózinde export.gov.kz biryńǵai eksporttyq portal bazasynda Digital-export arhitektýrasyn qurý jumysyn bastady. Ortalyq Aziia elderiniń saýda protsedýralaryn jeńildetý jáne olardy tsifrlyq formatqa kóshirý maqsatynda Eýropalyq odaqpen jáne Halyqaralyq saýda ortalyǵymen birge 4 jyldyq Ready4Trade Central Asia jobasy júzege asyrylyp jatyr», - dedi Baqyt Sultanov.
Ministrdiń atap ótýinshe, jobany júzege asyrýdyń nátijesinde transshekaralyq talaptardyń ashyqtyǵy artyp, normativtik jáne protsedýralyq kedergiler joiylady.saýda rásimdiligi saqtalyp, transshekaralyq elektrondy saýda kólemi artatyn bolady.
«Singapýrlyq CrimsonLogic kompaniiasymen yntymaqtastyq aiasynda tsifrlyq saýdany avtomattandyrý, onyń ishinde «sur» jáne «qara» sertifikattarmen kúres úshin tehnikalyq retteý protsesterin avtomattandyrý máselesi pysyqtalyp jatyr», - dedi ol.
