13,9 mlrd tekshe metr kóleminde gaz óndirilip, jospar 100 paiyzǵa oryndaldy.
Bul týraly Úkimet otyrysynda biylǵy qańtar-naýryz ailarynyń qorytyndysy boiynsha otyn-energetika keshenin talqylaý kezinde QR Energetika ministri Nurlan Noǵaev málim etti, dep habarlaidy "Ult aqparat".
«Kórsetilgen kezeńde 13,9 mlrd tekshe metr kóleminde gaz óndirildi, jospar 100 paiyzǵa oryndaldy. Taýarlyq gazdy ishki tutyný kólemi 6,6 mlrd tekshe metrge jetti, osy kórsetkish biylǵy jylǵy qańtar-naýryz ailarynyń josparyna 111,3 paiyzǵa oryndaldy», - dedi ministr.
Onyń aitýynsha, suiytylǵan munai gazyn óndirý kólemi 817 myń tonnany qurady, bul esepti kezeńniń josparymen salystyrǵanda 100% teń.
«Eksportqa shyǵarylǵan gaz kólemi 2,1 mlrd tekshe metrdi qurady, josparymen 105,4 paiyzǵa oryndaldy», - dedi Nurlan Noǵaev.
