Elorda turǵyndary men qala qonaqtary úshin taza aýada muz aidynynda ýaqyt ótkizetin tamasha múmkindik paida boldy. «Astana EKSPO-2017» kórmesi aýmaǵynda elimizdegi biregei ashyq muz aidyny ashyldy, dep habarlaidy Nur.kz.
Muz aidyny demalys kúnderi adamǵa lyq toly. Qala turǵyny Viktor Klochkov muz qalashyǵyna eki nemeresin erte kelipti. Bul olardyń alǵashqy ret kelýi emes. «Maǵan bul jerde taza aýada syrǵanaq tebý unaidy. Jabyq oryndarda tepkennen anaǵurlym jaqsy. Biz bala kezde -25 gradýsta syrǵanaq tebetinbiz. Jańa muz aidyny ashylǵanyn estigen kezde lezde jetken edik. Nemerlerime bul jerde konkimen syrǵanaý unaidy», - deidi Astana turǵyny.
Astanalyq oqýshylar Aiǵanym, Áliia, Ajar jańa muz aidynyna alǵash ret qadam basyp otyr. Qyzdarǵa qalashyq qatty unady. Aldaǵy ýaqytta munda jii kelgisi keledi. «Astanada jabyq ári ashyq jerlerde aýa-raiyna táýeldi bolmai, erkin demalatyn úlken oryndardyń kóp bolǵany qatty qýantady», - deidi qyzdar.
Qalashyqtaǵy qalyń nópirdiń arasynda qala qonaqtary da az emes. Máselen, mektep oqýshylary Badinur men Renata Elordaǵa ata-anasymen birge Pavlodar qalasynan kelgen eken. Olardyń eń alǵashqy oiy – osy bir ǵajaiyp aidyndy kózben kórý. «Bizge jańa aidyn qatty unady. Muz óte sapaly. Taza aýa. Ádemi áýen aidynǵa tamasha atmosfera týdyryp tur. Jańa jylda taǵy bir márte kelemiz dep úmittenemin», - deidi qyzdar.
Atap ótsek, kelýshilerdiń basym kópshiligi – balalar. Keshkilik qalashyq ertegidegidei kúige ainalady: túrli tústir jaryqtar, belgili filmderdiń mýzykasy jáne jaqynda elimizdegi eń basty shyrsha boi kótermek. Muz aidyny kelýshilerge Jańa jyldyń jaqyndaǵanyn sezindirip, merekelik kóńil-kúi syilaidy.
Jańa muz aidynyna kirý baǵasy «Mega SilkWay» men «Alaý» ortalyǵyndaǵy muz aidyndarynyń baǵasymen birdei (tolyǵyraq infografikadan tanysýǵa bolady).
Muz aidynyna kirý biletiniń quny - 1000 teńge. Oqýshylar men zeinetkerler úshin 50% jeńildik qarastyrylǵan. 6 jasqa deiingi balalar úshin kirý tegin.
Bas shahardaǵy eń úlken ashyq muz aidynynyń jalpy aýmaǵy 4 000 sharshy metrdi quraidy. Sonymen qatar, ol bir mezgilde 700-ge jýyq adam qabyldai alady.
Taǵy bir basty ereksheligi - arnaiy tońazytqysh jabdyǵynyń kómegimen +10 gradýs jáne odan tómen temperatýrada da jumys istei alatyndyǵynda. Bul syrǵanaq tebý maýsymyn kelesi jyldyń sáýir aiyna deiin sozýǵa múmkindik beredi.
Sondai aq, EKSPO Kórme kesheniniń týristik aýmaǵynda Elorda turǵyndary men qala qonaqtary muzaidynnan bólek «Nur álem» men «Bolashaq energiiasy» mýzeiin de tamashalai alady. Osylaisha, syrǵanaq teýip, taza aýada tynys alyp, kórmeni de aralaýǵa bolady. Avtokólik ielerine de qosymsha bonýstar qarastyrylǵan. Iaǵni, alǵashqy úsh saǵatqa avtoturaqty tegin paidalanýǵa bolady.
Biletterdi EXPO-2017 resmi saitynan (expo2017astana.com) jáne EKSPO aýmaǵynda ornalasqan kassalardan satyp alýǵa bolady. Muz aidyny jumys kúnderi saǵat 12.00-den 23.00-ge deiin (tehnikalyq úzilis: 16: 00-den 18: 00-ge deiin), demalys jáne mereke kúnderi saǵat 10.00-den 23.00-ge deiin (tehnikalyq úzilis 13.00-den 14.00-ge deiin, saǵat 17.00-den 18.00-ge deiin) ashyq.
