EKSPO aýmaǵynda ornalasqan turǵyn úilerdi satyp alý boiynsha ótinishterdi qabyldaý toqtatyldy. Bul týraly «Báiterek development» AQ baspasóz qyzmeti habarlady.
Baspasóz málimetterine qaraǵanda, «Báiterek development» AQ Digital Baiterek biryńǵai portalynda týyndaǵan tehnikalyq ahaýlyqtarǵa bailanysty EKSPO aýmaǵynda ornalasqan turǵyn úilerdi satyp alý boiynsha ótinishterdi qabyldaý qyzmetiniń ýaqytsha toqtatylǵandyǵy habarlandy.
Satyp alýshylardan páter alý jóninde túsken ótinishterdiń kóptigine bailanysty biryńǵai portalda tehnikalyq qiyndyqtar paida boldy. Sol sebepti ótinishterdi qabyldaý merzimi basqa ýaqytqa shegerildi.
Qazirgi tańda birde bir páter brondaý qyzmetinen ótpedi. Osyǵan deiin qabyldanǵan ótinishterdiń bári keri qaitaryldy.
«Oryn alǵan yńǵaisyzdyqtar úshin kompaniia keshirim suraidy. Ótinishterdi qaita qabyldaý jónindegi aqparat baiterekdevelopment.kz resmi saity, buqaralyq aqparat quraldary men áleýmettik jelilerde shyǵatyn bolady»,-delingen habarlamada.
