Foto: tiek.kz
Alty jylǵa bas bostandyǵynan aiyrylǵan Shyǵys Qazaqstan oblysy ákiminiń burynǵy birinshi orynbasary Jaqsylyq Omar sot úkimimen kelispei, apelliatsiialyq shaǵym túsirdi, dep habarlaidy Ult.kz.
ShQO sotynyń málimetinshe, is áli apelliatsiialyq satyǵa tolyq berilmegen.
Eske salaiyq, 3 sáýirde Óskemen qalasynyń №2 soty Jaqsylyq Omardy kináli dep tanyp, 6 jylǵa bas bostandyǵynan aiyrý jáne múlkin tárkileý jazasyn taǵaiyndaǵan. Ol sondai-aq ómir boiyna memlekettik jáne kvazimemlekettik sektorda qyzmet etý quqyǵynan aiyrylǵan.
Is materialdaryna sáikes, aiyp eki epizodtan turady. Sonyń biri – ákim qyzmeti kezeńinde avtokólikke qatysty zańsyz áreketter. Tergeý dereginshe, 2021 jylǵy Toyota Camry úshinshi tulǵaǵa rásimdelip, keiin basqa kólikke aiyrbastalǵan, al shyǵyn 13 mln teńge dep baǵalanǵan.
Jábirlenýshi sotta shyǵyn ótelgenin aityp, talap qoimaǵan.
