Foto: QR TJM baspasóz qyzmeti
Ishki ister ministri Marat Ahmetjanov Májilis kýlýarynda burynǵy Tótenshe jaǵdailar ministri Iýrii Ilinge qatysty is qozǵaý jóninde pikir bildirdi, - dep habarlaidy "Ult aqparat".
Jýrnalister IIM basshysynan Ilinge qatysty jeke is nemese tekseris júrgizile me dep surady.
"Prezident Bas prokýrorǵa tapsyrma berdi. Soǵan sáikes tekserý júrgiziletin bolady. Órt faktisi – bul tótenshe jaǵdai, adamdar qaza tapty, sondyqtan qylmystyq is aiasynda tekseris bolady. Nelikten ýaqytyly sharalar qabyldamady? Múmkin, nemquraidylyq tanytqan bolar, qyzmettik mindetterin oryndamaǵan shyǵar. Osynyń barlyǵy qylmystyq is aiasynda tekseriledi", - dedi Ahmetjanov Úkimet otyrysynan keiin tilshilerge bergen jaýabynda.
Ol sondai-aq órttiń yqtimal sebepterine toqtalyp, qazirgi ýaqytta túrli nusqalar qaralyp jatqanyn atap ótti.
"Tergeý júrip jatyr, ádeii órteý nusqasy bar. Is arnaiy prokýrorlardyń júrgizýine qabyldandy. Osy topta IIM qyzmetkerleri de bar, endi tergeýdi kóreiik.
Qasaqana órt qoiý, abaisyzdyq, naizaǵai túsý degen nusqalar bar. Saraptama jáne izdestirý sharalary júrgiziledi. Tergeýge eki ai ýaqyt berildi", - dedi ministr.
