Parlament Májilisiniń jalpy otyrysynda «Halyq densaýlyǵy jáne densaýlyq saqtaý júiesi týraly» Qazaqstan Respýblikasy Kodeksiniń jobasy ekinshi oqylymda maquldandy, dep habarlaidy "Ult aqparat".
«Qorytyndy salystyrmaly keste 717 qabyldanǵan túzetýdi qamtydy, eki túzetý qabyldanbady», - dedi depýtat Záýresh Amanjolova.
Osy oraida atalǵan eki túzetýdiń birinshisi profilaktikalyq ekpelerdi júrgizý boiynsha pýnkte «mindetti» sózin «quqyly» degen sózge aýystyrýǵa qatysty boldy. Al ekinshi túzetý ekpe jasalmaǵan balalardyń balabaqshaǵa barýyn shekteitin normany joiýǵa bailanysty. Degenmen bul túzetýler qabyldanbady.
«Nátijesinde, barlyq ekpeler mindetti jáne erikti bolyp naqty bólinedi, al balalardyń balabaqshaǵa barýy osy uiymdaǵy «ujymdyq immýnitettiń» deńgeiine qarai júzege asyrylady degen sheshim qabyldandy», - dedi Zaýresh Amanjolova.
