videodan alynǵan kadr
Ekologiia ministrligi Kaspii teńizindegi sý túsiniń ózgerý sebepterin túsindirdi, - dep habarlaidy "Ult aqparat".
Eske salaiyq, áleýmettik jelilerde Aqtaý qalasy 4-shi shaǵynaýdan aýmaǵyndaǵy Kaspii teńizi jaǵalaýynyń qara túske boialǵany týraly aqparat paida bolǵan.
Osy oraida, Mańǵystaý oblysy boiynsha ekologiia departamentiniń mamandary jaǵdaidyń sebebin anyqtaý maqsatynda tekserý jumystaryn júrgizgen.
"Saraptaý barysynda teńizdiń qara túske boialýynyń sebebi shirigen teńiz ósimdikteri ydyraýynan jáne teńiz túbindegi kópjyldyq tabiǵi qubylystarǵa bailanysty tunbanyń jinalýynan ekendigi anyqtaldy. Alańdaýǵa negiz joq.
Sonymen qatar, jaǵalaýdy lai men basqa da lastanýdan tazartý úshin qajetti sharalar qabyldanady. Atalǵan másele boiynsha jergilikti ekologiia departamenti tiisti memlekettik organdarǵa hat joldady" - delingen habarlamada.
video: LADA.KZ Telegram-arnasy
