«Baitaq bolashaq» ekologiialyq aliansy QR Prezidenttigine úmitker retinde Azamathan Ámirtaidy usynbaq.
«Baitaq bolashaq» ekologiialyq aliansynyń tóraǵasy, saiasattanýshy Azamathan Ámirtai aldaǵy bolatyn kezekten tys Prezidenttik sailaýǵa qatysady.
«Baitaq bolashaq» ekologiialyq aliansy» Respýblikalyq qoǵamdyq birlestiginiń quryltaishylary meni Qazaqstan Respýblikasynyń Prezidentine úmitker retinde usynǵan soń jan-jaqtan tolassyz qoldaýlar kelip jatyr. Ásirese kásipkerlik qaýymdastyqtary, táýelsiz jýrnalister, ekologiia janashyrlary, ultshyl ári patriot aǵaiyndar jáne elimizdiń tanymal tulǵalary óz qoldaýlaryn bildirip jatyr. Men úshin bul kórsetilgen senim óte mańyzdy!» deidi ol óz sózinde.
Saiasattanýshy buǵan deiin el tizginin ustaityn prezident jańa saiasi reforma júrgize alatyn adam bolýy kerek degen bolatyn.
«Qazir álemdik geosaiasatta úlken daǵdarystar paida bolýda. Qazaqstan osy daǵdarystarda óziniń naqty ornyn aiqyndaýy kerek. Sondyqtan bilikke keletin prezident Qazaqstanda jańa saiasi reforma júrgize alýy qajet», – deidi ol BAQ-qa bergen suhbatynda.
