Ekologiia jáne tsifrlyq damý ministrlikteri tsifrlyq jobalardy iske asyrý salasyndaǵy yntymaqtastyqty jandandyrýǵa nietti, dep habarlaidy ECO NEWS Telegram kanaly.
Mundai ýaǵdalastyqqa QR Ekologiia, geologiia jáne tabiǵi resýrstar ministri Maǵzum Myrzaǵaliev pen QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsinniń kezdesýi barysynda qol jetkizildi.
Ekologiia ministrligi birqatar tsifrlyq jobalardy tanystyrdy. Olardyń ishinde, jer sharynyń kez kelgen núktesinen onlain rejimde birneshe qarapaiym qadamdardyń kómegimen ken oryndary boiynsha geologiialyq derekterge qoljetimdilikti qamtamasyz etýge arnalǵan mineraldyq resýrstardyń ulttyq derekter banki bar.
Bul júieniń basty qaǵidaty «paper free» tujyrymdamasyn paidalaný, iaǵni qujattardy qaǵaz túrinde usyný qajettiliginiń bolmaýy, investorlardy qyzyqtyratyn jáne tolyq aqparatqa barynsha tikelei qol jetkizýin qamtamasyz etý bolyp tabylady.
