Temirtaýdyń ónerkásiptik kásiporyndaryndaǵy ekologiialyq júktemelerdi tómendetý boiynsha sharalardyń oryndalyp jatqany tekseriledi. Bul týraly QR Ekologiia, geologiia jáne tabiǵi resýrstar ministri Maǵzum Myrzaǵaliev Temirtaý turǵyndarynyń habarlamasyna jaýap berý kezinde málim etti, dep habarlaidy "Ult aqparat".
«Temirtaý turǵyndary «qara qar» týraly taǵy da habarlady. Ekologiia departamenti qaladaǵy tabiǵatty paidalaný derekteri men qolaisyz meteorologiialyq jaǵdai kezinde ónerkásiptik kásiporyndardyń qorshaǵan ortaǵa júktemeni tómendetý sharalarynyń oryndalyp jatqanyn tekseredi. Onyń nátijesi jurtshylyqqa habarlanady», - dep jazdy ministr Twitter-de.
Temirtaý turǵyndary qardyń sýreti men videosyn áleýmettik jelilerde jariialady.
Eske salaiyq, Temirtaýda qara qar alǵash ret jaýyp turǵan joq. Mundai jaǵdai qalada 2018 jyldyń qańtarynda qaitalanǵan edi. Ekologtar, meteorologtar, prokýrorlar men kásiporyn ókilderiniń qatysýymen jumys toby qurylyp, «ArselorMitall Temirtaý» AQ metallýrgiialyq kombinatynda tekserý júrgizildi. Ol kezde atalǵan kompaniia qara qar týraly aityp, problemany moiyndaǵan edi. Kompaniianyń pikirinshe, ekinshi jaǵynan qaladaǵy ekologiiaǵa peshtiń jaǵylýy jáne avtomobilderdiń kóbeiýi yqpal etken.
