QR Ekologiia, geologiia jáne tabiǵi resýrstar ministrligi turǵyndardyń shaǵymy boiynsha Aqmola oblysy Stepnogorsk qalasynyń irgesindegi Bestóbe jáne Aqsý kenishterinde altyn óndirýmen ainalysatyn kompaniialar tobyn tekserip, birqatar zańbuzýshylyq anyqtady, dep habarlaidy "Ult aqparat" vedomostvonyń Telegram-kanalyna silteme jasap.
Buǵan deiin aýyl turǵyndary las aýamen tynystap, shańnyń ortasynda qalyp otyrǵandaryn aityp, Bestóbe jáne Aqsý kenishteriniń jumysyna shaǵymdanǵan bolatyn. Tekserý barysynda jeldi kúnderi Bestóbe, Aqsý jáne Zavodskoe aýyldaryn shań basatyny rastaldy.
Sondai-aq, aýyl irgesinde ministrliktiń memlekettik ekologiialyq qorytyndysyz qaldyqtardy saqtaý orny men fabrika qurylysynyń bastalǵany anyqtaldy. Turǵyndardyń sózinshe, «Qazaqaltyn» kompaniialar tobyna qarasty «Aqsu technology» kompaniiasy bul eki nysandy turǵyndardyń kelisiminsiz salyp alǵan.
Al altyn óndirýshi kompaniia ókilderi mundai qadamǵa qaldyqtardy saqtaityn oryn qalmaǵandyqtan barǵandaryn aitýda. Qazir ministrlik ókilderi qurylys jumystaryn toqtatyp, kásiporyndy jaýapkershilikke tartty.
QR EGTRM Ekologiialyq retteý jáne qadaǵalaý komitetiniń ókilderi kompaniia basshylaryna shuǵyl arada qoǵamdyq tyńdaý ótkizip, halyqtyń kelisimin alýdy talap etti. Eger jergilikti turǵyndar kenishtiń jumys isteýine kelispese, memlekettik ekologiialyq qorytyndynyń oń nátijesi berilmeitinin eskertti.
Ekologiialyq retteý jáne qadaǵalaý komitetiniń tóraǵasy Zýlfýhar Joldasov «kompaniia qaitadan qoǵamdyq tyńdaý ótkizip, halyqtyń kelisimin alyp, tiisti qujattaryn zańdastyrǵanda ǵana qurylysyn jalǵastyra alady», - dep málimdedi.
Óz kezeginde altyn óndirýshi kompaniia ókilderi halyqtyń aldyndaǵy áleýmettik jaýapkershilikterin oryndap, eski qaldyqtardy saqtaý oryndaryn rekýltivatsiialaýǵa jáne birinshi kezekte osy aýyldyń turǵyndaryn jumysqa qabyldaýǵa ázir ekendikterin málimdep otyr.
