QR Ekologiia, geologiia jáne tabiǵi resýrstar ministrligi dizeldi otynmen júretin qoǵamdyq kólikterdi satyp alýǵa tyiym salýdy usyndy, dep habarlaidy QazAqparat.
«Biz qoǵamdyq kólikterdi belsendi túrde gazǵa aýystyryp jatyrmyz. Sonymen qatar, ekologiialyq taza 130 avtobýs satyp alýdamyz. Desek te, qaladaǵy avtokólikter negizgi aýa lastaýshylardyń biri bolyp qala beredi. Kún saiyn qala kóshelerinde 700 myńǵa jýyq kólik júredi. Bul máseleni sheshý úshin halyqaralyq tájiribege súienip, aýqymdy kólik reformasyn júrgizip jatyrmyz. Búgingi kúni Almatyda 400-ge jýyq avtobýs gazben qozaǵalady. Sonymen qatar, 10 elektr avtobýsy bar. Sizderdiń (QR Ekologiia, geologiia jáne tabiǵi resýrstar ministrligi – red) qoldaýlaryńyzben elektr avtobýstarynyń sanyn kóbeitýdi josparlap otyrmyz. Qoǵamdyq kólikter parkin jańarta otyryp, biz ziiandy zattar shyǵaryndylaryn azaitamyz», - dedi Almaty qalasy ákiminiń birinshi orynbasary Erlan Qojaǵapanov shahardyń ekologiialyq ahýalyn talqylaý barysynda.
Óz kezeginde, ministrliktiń Ekologiialyq retteý jáne baqylaý komitetiniń tóraǵasy Zýlfýhar Joldasov 2023 jylǵa deiin gazben júretin avtobýstardyń sanyn 500-den 2 myńǵa jetkizýdi usyndy.
«Dizeldi qozǵaltqyshy bar qoǵamdyq kólikti satyp alýǵa zańdy túrde tyiym salý kerek», - dedi ol.
