Ekologiia, geologiia jáne tabiǵi resýrstar ministri Maǵzum Myrzaǵaliev jańadan qurylatyn sarapshylar keńesiniń jumysyna qatysý úshin belsendilerdi shaqyrdy, dep habarlaidy "Ult aqparat".
«QR Ekologiia, geologiia, sý resýrsy, orman sharýashylyǵy men janýarlar álemi - bizdiń ministrliktiń jumysy. Biz atalǵan baǵyttar boiynsha sarapshylar keńesin quratyn boldyq. Sondyqtan úkimettik emes uiymdardy, sarapshylardy, qoǵam belsendilerin keńes jumysyna qatysýǵa shaqyramyz», dep jazdy Maǵzum Myrzaǵaliev Twitter-degi paraqshasynda.
Onyń aitýynsha, ministrlik sarapshylarmen birlesip máselelerdi birlesip sheshpek.
«Sarapshylar keńesiniń jumysy tolǵaǵy jetken máselelerdi qoǵammen birge talqylap, naqty sheshý joldaryn usynatyn naǵyz alańǵa ainalmaq. Osyǵan orai, barlyǵyńyzdy belsendi qatysýǵa shaqyramyz», delingen habarlamada.
Sondai-aq, ministr usynysqa qyzyǵýshylyq tanytqandar úshin habarlasatyn +7 7017932418 telefon nómirin kórsetti.
