QR Ekologiia, geologiia jáne tabiǵi resýrstar ministri Maǵzum Myrzaǵaliev vegetatsiialyq kezeńde ózen sýymen qamtamasyz etý jumystary týraly aitty, dep habarlaidy QazAqparat.
«Elimizdiń ońtústik óńirlerinde vegetatsiialyq kezeń sýy az tsikli jaǵdaiynda ótip jatyr. Osy aimaqqa jalpy sýarmaly sýdyń 97 paiyzy tiesili. Almaty oblysy boiynsha aitsaq, Ile Alataýynyń ońtústik betkeiindegi ózen basseinderinde jaýyn-shashyn normadan 39 paiyzǵa tómen. Taýlardaǵy qar qory normadan besten qyryq eki paiyzǵa deiin tómen. Shaǵyn jáne orta sý qoimalarynyń tolymdylyǵy vegetatsiialyq kezeńniń basynda shamamen 75-80% qurady», - dedi M. Myrzaǵaliev Úkimet otyrysynda.
Sonymen qatar ol Jambyl oblysy boiynsha jaǵdaiǵa toqtaldy. Shý jáne Talas ózenderiniń basseinderinde sýdyń deńgeii 20-25% paiyzǵa tómen. Osy ózenderdiń barlyq aǵyny Qyrǵyz Respýblikasynyń aýmaǵynda qalyptasady. Sýy az tsikli kezinde memleketaralyq sý obektileri boiynsha kelisilgen kólemde sý alý barysynda qiyndyqtar týyndaidy.
«Túrkistan jáne Qyzylorda oblystary boiynsha aitsam, Syrdariia ózenindegi sýdyń deńgeii Toqtoǵul sý qoimasynyń toltyrylýyna bailanysty. Aǵymdaǵy vegetatsiialyq kezeńniń basynda atalǵan sý qoimasynyń kólemi sońǵy 5 jyldaǵy eń tómen kórsetkishke teń boldy. Vegetatsiialyq kezeńniń basyndaǵy norma 15 mlrd tekshe metr bolsa, osy jylǵy birinshi sáýirde 8,7 mlrd tekshe metr boldy. Arys ózeni aǵynynyń normasymen salystyrsaq, 8 paiyzdan 73 paiyzǵa deiin tómen. Taý ózenderiniń ortasha aǵysy normadan 25% tómen», - dedi ministr.
Onyń paiymynsha, bul jaǵdaida kórshiles eldermen sý diplomatiiasy mańyzdy ról atqarady. Osylaisha, qyrǵyz elimen qosymsha sý jiberýge kelisim jasaldy.
«Atap aitsaq, vegetatsiia shyńynda (maýsym-tamyz) Toqtoǵul sý qoimasynan qosymsha 330 mln tekshe metr sý qabyldanatyn bolady. Osy sý kólemin Ózbekstan aýmaǵy arqyly ótkizý jóninde de ýaǵdalastyqtarǵa qol jetkizildi. Sondai-aq, tájik jáne ózbek taraptarymen birlesip «Bahri Tochik» sý qoimasynyń jumys rejimi boiynsha kelisimder júrgizilip jatyr. Atap aitqanda, qazaqstandyq tarap úshin 315 mln tekshe metr kóleminde «Bahri Tochik» sý qoimasynan qosymsha sý berý boiynsha ýaǵdalastyqqa qol jetkizildi. Onyń ornyna tájik tarapy seksen 80 tonna dizel otyny, otyz 30 tonna dizel maiy jáne 1 ekskavator túrinde materialdyq-tehnikalyq qoldaý kórsetýdi suraidy», - dedi M. Myrzaǵaliev.
