Búgin QR Ekologiia, geologiia jáne tabiǵi resýrstar ministri Serikqali Brekeshev Túrkistan oblysynyń turǵyndarymen kezdesti, dep habarlaidy «Ult aqparat» Túrkistan oblysynyń Óńirlik kommýnikatsiialar qyzmetine silteme jasap.
Jiynǵa oblys ákiminiń orynbasary Ermen Kenjehanuly, eńbek ujymdarynyń ókilderi, tabiǵat janashyrlary, sondai-aq jergilikti turǵyndar qatysty.
Ministr turǵyndar aldynda jalpy respýblika jáne óńir boiynsha júrgizilip jatqan jumystar týraly baiandap, aldaǵy kezeńge arnalǵan josparlarymen bólisti.
Turǵyndarmen kezdesýde eskirgen káriz tazartý qurylystary, kei jerlerde tipti olardyń bolmaýy, qaldyqtardy basqarý jáne qaita óńdeý salasy, atmosferalyq aýanyń sapasy, sý salasyn, orman jáne balyq sharýashylyǵyn damytý sekildi ózekti máseleler aityldy.
Túrkistan oblysynyń ekologiialyq problemalaryn sheshý úshin Jol kartasynda 21 is-shara qarastyrylyp, búginde 9-y oryndalǵan. Onyń ishinde «Túrkistan Jylý» MQK-da qazandyǵy gazǵa aýystyrylyp, jańǵyrtý jumystary júrgizilgen. Sonymen qatar, Túrkistan qalasy men oblys aýdandarynda jeke sektordy gazdandyrý men jasyl jelekterge inventarizatsiia júrgizilgen.
Budan bólek, ministrlik stihiialyq qoqys úiindileriniń paida bolý máselesin sheshý úshin birqatar júieli sharalar qabyldady, olardyń sany oblys boiynsha jylyna 400 birlikten asady. Keshendi jumys júrgizý úshin ministr ákimdikke kommýnaldyq qaldyqtardy basqarý jónindegi baǵdarlamany ázirleýdi jáne bekitýdi usyndy.
Sý salasyn damytý boiynsha ministr sý sharýashylyǵyndaǵy negizgi problemalar retinde sý sharýashylyǵy obektileriniń tozýynyń joǵary deńgeii jáne sýdyń úlken shyǵyny bolyp tabylatynyn atap ótti. Bul rette, qazirgi ýaqytta sý sharýashylyǵy infraqurylymyn salý men rekonstrýktsiialaý jáne sýarý arnalaryn tsifrlandyrý jumystary júrgizilýde.
«Shardara sý qoimasy bógetin qaita qurý jáne seismikalyq turaqtylyǵyn arttyrý boiynsha úlken joba iske asyrylýda, ol Túrkistan jáne Qyzylorda oblystarynyń 260 myń halqy bar 231 AEM turǵyndaryn sý basý qaýpinen saqtaýǵa jáne olardy kepildi sýarmaly sýmen qamtamasyz etýge múmkindik beredi», - dedi S.Brekeshev.
Syrdariia ózenindegi Kóksarai kontrrettegishiniń bógetine jáne basqa da birneshe gidrotehnikalyq qurylystarǵa da qaita qurý júrgiziledi. Munyń bári 48,2 myń ga sýarmaly jerdi jaqsartýǵa, sýmen qamtamasyz etýge kepildik bolady jáne qosymsha 1,5 myń jumys ornyn qurýǵa múmkindik beredi.
Sonymen qatar, ministr orman jáne balyq sharýashylyǵyn damytý máselelerin de tilge tiek etip, Túrkistan oblysy balyq ósirý boiynsha kóshbasshy ekenin atap ótti. Baǵdarlamaǵa sáikes, biyl óńir boiynsha 6,1 myń tonna balyq ósirý josparlanǵan. Jyl basynan beri 4,1 myń tonna taýarlyq balyq ósirildi. Biyl sazan, forel jáne afrikalyq som ósiretin 4 toǵan balyq fermasy quryldy.
«Oblys ákimdiginen balyq sharýashylyǵy salasyndaǵy basqa investitsiialyq jobalardyń iske asyrylýyn erekshe baqylaýǵa alýdy jáne qajetti járdem kórsetýdi, onyń ishinde sýbsidiialaýǵa qarajat bólýdi suraimyn», - dep qorytyndylady S.Brekeshev.
Esep berý kezdesýinen keiin ministr azamattardy jeke qabyldap, suraqtar men ótinishterdiń nazarǵa alynatynyn jetkizdi.
Sapar aiasynda ministr sý sharýashylyǵy salasynda atqarǵan eleýli eńbekteri úshin "Qazsýshar” RMK Túrkistan filialy Maqtaral óndiristik bólimshesiniń bas injeneri Q. Sarbasov pen "Qazsýshar” RMK Qyzylorda filialynyń bólim basshysy B. Taimanovty marapattady jáne jinalǵan qaýymǵa alǵysyn bildirip, eńbekterine tabys tiledi.
