Almatylyq ekobelsendiler Úlken Almaty ózeniniń jaǵalaýynda zańsyz salynyp jatqan qurylysqa shaǵymdandy. Qalalyq ákimdik bul jaǵdaiǵa qatysty túsinikteme berdi, dep habarlaidy "Ult aqparat".
«Almaty qalasynyń ekologiialyq qoǵamy» tobynyń Facebook paraqshasyna belsendiler merdiger kompaniia Sátpaev kóshesi men Abai dańǵyly aralyǵyn, iaǵni Úlken Almaty ózeniniń jaǵalaýyndaǵy jasyl aimaqty zańsyz qorshap aldy dep jazdy.
Olar jaqynda aǵashtar kesilýi múmkin dep boljady.
Qala qurylysyn baqylaý basqarmasynyń baspasóz qyzmeti atap ótkendei, Almaty qalasynyń memlekettik jer kadastrynyń avtomattandyrylǵan júiesiniń derekteri boiynsha Áýezov aýdany, Sátbaev kóshesi №145A, óndiristik ǵimaratqa qyzmet kórsetý úshin ýaqytsha óteýli jer paidalaný quqyǵy negizinde berilgen.
Bul ýchaskedegi turǵyn emes úi-jailar (garajdar, sheberhanalar) 2007 jylǵy 1 tamyzdaǵy legalizatsiia komissiiasynyń sheshimimen zańdastyrylǵan.
Qazirgi ýaqytta ishinara buzyldy jáne qaita qurý men salý boiynsha jumystar bastaldy.
«Atalǵan mekenjaida úi-jailardy qaita qurý jáne salý boiynsha qurylys-montajdaý jumystarynyń bastalǵany týraly habarlama túsken joq, jumys toqtatyldy. Sondai-aq, menshik iesi negizgi jer ýchaskesiniń shyǵys jaǵyndaǵy memlekettik jerdi ishnara qorshap alǵan. Túsindirý jumystarynyń nátijeleri boiynsha bul menshik iesi múmkindiginshe tezirek jeke basyn kýálandyratyn qujatta kórsetilgen shekaralarǵa sáikes qorshaýdy jyljytý týraly mindetteme aldy. Sondai-aq, aǵashtardy kesý josparda joq. Kerisinshe, sanitarlyq kesý jumystary jergilikti atqarýshy organdar qyzmetkerleriniń qatysýymen 2020 jyldyń qarasha aiynda júrgizilgen» dep habarlady basqarmadan.
