الماتىلىق ەكوبەلسەندٸلەر ٷلكەن الماتى ٶزەنٸنٸڭ جاعالاۋىندا زاڭسىز سالىنىپ جاتقان قۇرىلىسقا شاعىمداندى. قالالىق ەكٸمدٸك بۇل جاعدايعا قاتىستى تٷسٸنٸكتەمە بەردٸ, دەپ حابارلايدى "ۇلت اقپارات".
«الماتى قالاسىنىڭ ەكولوگييالىق قوعامى» توبىنىڭ Facebook پاراقشاسىنا بەلسەندٸلەر مەردٸگەر كومپانييا سەتپاەۆ كٶشەسٸ مەن اباي داڭعىلى ارالىعىن, ياعني ٷلكەن الماتى ٶزەنٸنٸڭ جاعالاۋىنداعى جاسىل ايماقتى زاڭسىز قورشاپ الدى دەپ جازدى.
ولار جاقىندا اعاشتار كەسٸلۋٸ مٷمكٸن دەپ بولجادى.
قالا قۇرىلىسىن باقىلاۋ باسقارماسىنىڭ باسپاسٶز قىزمەتٸ اتاپ ٶتكەندەي, الماتى قالاسىنىڭ مەملەكەتتٸك جەر كاداسترىنىڭ اۆتوماتتاندىرىلعان جٷيەسٸنٸڭ دەرەكتەرٸ بويىنشا ەۋەزوۆ اۋدانى, سەتباەۆ كٶشەسٸ №145ا, ٶندٸرٸستٸك عيماراتقا قىزمەت كٶرسەتۋ ٷشٸن ۋاقىتشا ٶتەۋلٸ جەر پايدالانۋ قۇقىعى نەگٸزٸندە بەرٸلگەن.
بۇل ۋچاسكەدەگٸ تۇرعىن ەمەس ٷي-جايلار (گاراجدار, شەبەرحانالار) 2007 جىلعى 1 تامىزداعى لەگاليزاتسييا كوميسسيياسىنىڭ شەشٸمٸمەن زاڭداستىرىلعان.
قازٸرگٸ ۋاقىتتا ٸشٸنارا بۇزىلدى جەنە قايتا قۇرۋ مەن سالۋ بويىنشا جۇمىستار باستالدى.
«اتالعان مەكەنجايدا ٷي-جايلاردى قايتا قۇرۋ جەنە سالۋ بويىنشا قۇرىلىس-مونتاجداۋ جۇمىستارىنىڭ باستالعانى تۋرالى حابارلاما تٷسكەن جوق, جۇمىس توقتاتىلدى. سونداي-اق, مەنشٸك يەسٸ نەگٸزگٸ جەر ۋچاسكەسٸنٸڭ شىعىس جاعىنداعى مەملەكەتتٸك جەردٸ ٸشنارا قورشاپ العان. تٷسٸندٸرۋ جۇمىستارىنىڭ نەتيجەلەرٸ بويىنشا بۇل مەنشٸك يەسٸ مٷمكٸندٸگٸنشە تەزٸرەك جەكە باسىن كۋەلاندىراتىن قۇجاتتا كٶرسەتٸلگەن شەكارالارعا سەيكەس قورشاۋدى جىلجىتۋ تۋرالى مٸندەتتەمە الدى. سونداي-اق, اعاشتاردى كەسۋ جوسپاردا جوق. كەرٸسٸنشە, سانيتارلىق كەسۋ جۇمىستارى جەرگٸلٸكتٸ اتقارۋشى ورگاندار قىزمەتكەرلەرٸنٸڭ قاتىسۋىمەن 2020 جىلدىڭ قاراشا ايىندا جٷرگٸزٸلگەن» دەپ حابارلادى باسقارمادان.
