Bas múfti Serikbai qajy Oraz qazaqstandyqtardy mazalaityn jasandy uryqtandyrýǵa qatysty pikir bildirdi, dep habarlaidy "Ult aqparat" KTK telearnasyna silteme jasap.
Dini basqarma jasandy uryqtandyrýǵa qatysty pátýa shyǵardy. Jasandy jolmen uryqtandyrý kezinde balanyń jynysyn tańdaýǵa ruqsat bar.
EKO jasatý kezinde ul nemese qyz urpaqty tańdap alýǵa endi shariǵat qarsy kelmeidi. Alaida, erli-zaiypty qatty zárý bolǵanda ǵana osy ádisti qoldanýy tiis. Máselen, bolashaq ata-ananyń biri bedeý nemese tuqym qýlaityn aýrýlar bolsa ǵana.
Óitkeni, genetikalyq dert kóbine ul balaǵa beriledi. Al, qyz balaǵa berilmeýi múmkin.
Aita keterligi, erli-zaiyptylar zań men shariǵat aldynda nekede bolýlary tiis. Sondai-aq, ǵulamalar keńesi týyla sala shetinep ketetin shaqalaqtardy jerleýdiń jón-joralǵylaryna da qatysty pátýa shyǵardy.
«Eger túsik bolatyn bolsa, 12 múshesiniń belgisi bolatyn bolsa, biz tolyqqandy jańaǵy atyn aityp, jerleýimizge bolady. Al, eger de 12 múshesi de bútin, aǵzasynda kishkene qybyrlaǵan, iaki bolmasa, daýysy shyǵyp, sondai bolatyn bolsa onda atyn aityp jáne janaza namazyn oqyp, jerlenedi degen sóz», - dedi bas múfti Serikbai qajy Oraz.
