Osy jyldyń ekinshi jartyjyldyǵynda Qazaqstan ekonomikasynyń ósýi baiaýlaidy. Bul týraly Úkimettiń keńeitilgen otyrysynda Ulttyq bank tóraǵasy Ǵalymjan Pirmatov aitty, dep habarlaidy QazAqparat.
«Ulttyq banktiń baǵalaýy boiynsha, Qazaqstan ekonomikasynyń biylǵy ekinshi jartyjyldyqta ósýi baiaýlaidy. Biraq uzaq merzimdi áleýetti deńgeilerge jaqyn bolyp qalady. Ekonomikanyń odan ári ósýi úshin negizgi táýekelder qazaqstandyq eksport úshin álemdik naryqtarǵa qol jetimdiliktiń tómendeýi jáne saýda áriptes-elderdegi ekonomikanyń jańa jaǵdailarǵa beiimdelýi bolyp tabylady», - dedi Pirmatov.
Ol Dúniejúzilik banktiń baǵalaýy boiynsha infliatsiia biylǵy jyldyń ortasynda, Ekonomikalyq yntymaqtastyq jáne damý uiymynyń derekteri boiynsha – 2023 jyldyń basynda sharyqtaý shegine jetetindigin aitty.
«Odan keiin infliatsiia álemdik ekonomika ósýiniń baiaýlaýynan, suranystyń tómendeýinen, taýar jetkizýge bailanysty jaǵdaidyń jaqsarýynan tómendei bastaidy», - dedi Ulttyq bank basshysy.
