Ekinshi dúniejúzilik soǵysta iz-túzsiz joǵalǵan 600 jaýynger tabyldy. Bul týraly «Atamnyn amanaty» qoǵamdyq qorynyń basqarma tóraǵasy Murat Moldaǵaliev aitty, dep habarlaidy "Ult aqparat".
«Qazaqstan jerinen soǵysqa 1,5 millionnnan astam jaýynger men ofitser maidanǵa attansa, sonyń 271 myńy iz-túzsiz joǵalǵandar sanatyna jatady. Kez kelgen jaýynger úshin kómýsiz qalý jáne iz-túzsiz joǵalǵandar tizimine ený úlken qasiret sanalatyn shyǵar. Sondyqtan da bizdiń birlestik osy esimderdi urpaqtarynyń jadyna oraltý maqsatynda qurylǵan edi», - dedi ol onlain baspasóz máslihaty barysynda.
Onyń atap ótýinshe, ol úshin arnaýly sait qurylǵan jáne oǵan soǵysqa attanyp iz-túzsiz joǵalǵan jaqyndaryn izdegen kez kelgen adam júgine alady.
«Biyl 3 myńnan astam ótinim túsken edi. Onyń ishinde 600 ótinimdi oryndap, urpaqtaryna 600 jaýyngerdiń esimin qaitara aldyq», - dedi Murat Moldaǵaliev.
