Foto: TASS
Germaniiadaǵy Býhenvald lagerinde Ekinshi dúniejúzilik soǵys kezinde tutqynda bolǵan qazaqstandyqtardy eske alýǵa arnalǵan eskertkish taqta ashyldy, dep habarlaidy Ult.kz saity 24.kz arnasyna silteme jasap.
Olardyń esimderin endi sondaǵy QR-kod arqyly kórýge bolady.
1937 jyldan bastap soǵys aiaqtalǵanǵa deiin munda 280 myń adam qamaýda bolǵan. Olardyń 56 myńy ashtyqtan, azaptaýdan jáne aýrýdan kóz jumdy. Qaza tapqandardyń qatarynda Qazaqstan azamattary da bar. Sarapshylar jerlesterimizdiń aty-jóni men olar jaily derekterdi anyqtady. Kópshiligi Almaty, Atyraý jáne Aqmola oblystarynyń týmalary.
