Úkimet otyrysynda Ekibastuz qalasyn damytýdyń 2025 jylǵa deiingi keshendi josparyn tanystyrǵan QR Ulttyq ekonomika ministri Áset Erǵaliev shahardyń ekologiialyq jaǵdaiyn jaqsartý úshin qandai sharalar qolǵa alynatytyn baiandady, dep habarlaidy QazAqparat.
«Qalanyń ekologiialyq jaǵdaiyn jaqsartý maqsatynda Keshendi jospar jobasy atmosferalyq aýaǵa shyǵaryndylardy azaitý jónindegi kásiporyndardy jańǵyrtý mindeti qoiylǵan. Sondai-aq, qatty turmystyq qaldyqtardy bólek jinaýdy engizý, qoqys tastaityn jerlerdi joiý jáne taǵy basqa da is-sharalar kózdelgen», - dedi vedomsto basshysy.
Áset Erǵaliev 2025 jylǵa qarai qala aýmaǵyndaǵy ónerkásip kólemin 22%-ǵa arttyrý josparlanǵanyn aitty.
«Bul shaǵyn jáne orta biznes shyǵaratyn ónimniń ósimin 38,2%-ǵa jetkizedi. Negizgi kapitalǵa salynǵan investitsiialar kólemi 2025 jylǵa qarai bes esege ósedi», - dedi Ulttyq ekonomika ministri.
