Foto:t.me/KZgovernment
Premer-ministrdiń orynbasary – saýda jáne integratsiia ministri Serik Jumanǵarin Ekibastuzdaǵy tótenshe jaǵdaiǵa ákelip soqqan yqtimal sebep týraly aitty, - dep habarlaidy Tengrinews.kz.
Ol Úkimet kýlýarynda Qazaqstanda jylýmen qamtamasyz etýdegi tariftik saiasat erte me, kesh pe Ekibastuzdaǵy apat siiaqty zardaptarǵa ákelýi múmkin ekenin aitty.
"Meniń oiymsha, munyń bári belgili bir ýaqytta áleýmettik baǵyttaǵy tariftik saiasattyń basym bolýyna bailanysty. Júkteme negizinen biýdjettik uiymdar men zańdy tulǵalarǵa júkteldi. Tarifti saralaý osylai júrdi. Sondyqtan byltyr tarif esebinen sol Ekibastuzda 420 shaqyrymnyń 619 metri ǵana jóndeldi. Bul aqparat esimde qaldy. Túsinesiz be, bul - 0,01 paiyz. Árine, mundai tariftik saiasat erte me, kesh pe osyndai saldarǵa ákeledi", - dedi Jumanǵarin.
Vitse-premer mundai nysandardy kútip-ustaý qymbatqa túsetinin jáne olardy keiinirek modernizatsiialaý nemese qaita salýdan góri olardy jumys jaǵdaiynda ustap otyrý ońaiyraq ekenin qosty.
Jumanǵarin el basshylyǵy bul máselege apat bolmai turyp-aq nazar aýdarǵanyn atap ótti. Tariftik saiasattyń jańa tásilderin ázirleý sońǵy kezeńde. Onyń aitýynsha, Ekibastuzdaǵy jylý jelileriniń uzyndyǵy 420 shaqyrym bolsa, onyń 322-si "Ortalyq Aziia energetikalyq korporatsiiasy" AQ (OAEK) enshisinde. Vitse-premerdiń aitýynsha, apat OAEK jelilerinde bolǵan.
Sonymen qatar, jýrnalister vitse-ministrden Ekibastuzdaǵy qazirgi jaǵdaidy eskere otyryp, OAEK direktorlar keńesiniń tóraǵasy Aleksandr Klebanovtyń Forbes nusqasy boiynsha Qazaqstannyń eń yqpaldy 50 biznesmeni tizimine qalai engenin surady.
"Meniń qyzmetimde, Forbes-qa qaraityn jaǵdaida emespin, qazir men áleýmettik máselelermen ainalysamyn. Eger Forbes tiziminde bolsa, bir jolmen kapital tapqan shyǵar. Másele ol tabiǵi monopoliia salasyna investitsiia salýy kerek pe degen suraq, eger ol jeke qarajaty bolsa. Bul suraqqa jaýap berý kerek, óitkeni tabiǵi monopoliia salasyndaǵy nysandar oǵan ǵana tiesili emes. Bizde jekemenshik sý jelileri, stantsiialar, jylý jelileri bar", - dep túiindedi sózin Jumanǵarin.
