Prezident Qasym-Jomart Toqaev Ekibastuzdaǵy jóndeý jumystarynyń barysy týraly Premer-ministrdiń baiandamasyn tyńdady, - dep habarlaidy "Ult aqparat" Aqorda saityna silteme jasap.
Qabyldanǵan sharalar qalany qiyn jaǵdaidan shyǵarýǵa septigin tigizdi. Ekibastuzǵa kelgen Premer-ministrdiń birinshi orynbasary Roman Skliarǵa turǵyn úilerdi jylýmen qamtamasyz etýdi qalpyna keltirý jónindegi jumystarǵa jedel basshylyq jasaý tapsyryldy. Bul baǵyttaǵy jumystar aiaqtalýǵa jaqyn.
Memleket basshysy Úkimetke qalalardy qysqy jylytý maýsymyna daiyndaý kezinde jiberilgen qatelikterge muqiiat taldaý júrgizý mindetin júktedi. Sondai-aq Úkimetke Ekibastuzda jáne basqa da eldi mekenderde qalyptasqan kúrdeli jaǵdaidy túbegeili ózgertý úshin naqty sheshimder qabyldaý tapsyryldy.
Budan bólek, jekeshelendirilgen energetikalyq aktivterge jáne olardyń ieleriniń jaýapkershiligine qatysty máselelerdi sheshý qajet. Prezident Úkimet pen quqyq qorǵaý organdarynyń barlyq jumysy óziniń jeke baqylaýynda ekenin atap ótti.
