Foto: Pavlodar oblysy TJD
Ekibastuzda avtokólikke gaz quiý beketinde bolǵan órt kezinde qaza tapqan 17 jastaǵy bozbala stantsiia iesiniń uly bolyp shyqty, dep habarlaidy Sputnik Qazaqstan oblystyq Tótenshe jaǵdailar departamentine silteme jasap.
"Órt kezinde qaza tapqan 2006 jyly týǵan jigit gaz quiý beketiniń operatory bolyp jumys istegen, ol stantsiia iesiniń uly ekeni anyqtaldy", - dep naqtylady qutqarý vedomstvosynyń baspasóz qyzmeti.
Oblystyq 103 qyzmetiniń habarlaýynsha, brigada qońyraý shalynǵannan keiin eki minýttan soń órt ornynda bolǵan. Qutqarýshylar jas jigittiń denesin tapqan.
Sondai-aq 1985, 1991 jáne 1974 jyly týǵan úsh áiel meditsinalyq kómekke júgingen.
Aita keteiik, búgin Ekibastuzdaǵy avtogaz quiý beketinde gaz quiylǵan 4 rezervýar órtendi. Odan bólek, oqiǵa ornynda shamamen 40 gaz ballon bolǵan.
Órt jaqyn mańdaǵy "Firýza" azyq-túlik dúkenine ótip, onyń shamamen 200 sharshy metr shatyryn, sondai-aq sý munarasynyń 20 sharshy metr aýmaqtaǵy shatyryn sharpyǵan.
