Úkimet otyrysynda QR Energetika ministri Maǵzum Myrzaǵaliev Ekibastuz qalasyndaǵy GRES-1 jobasynyń aiaqtalý merzimin atady, dep habarlaidy QazAqparat.
«Ekibastuz qalasy elimizdiń energetikalyq ortalyǵy bolyp tabylady. Munda búkil Qazaqstandaǵy energiia generatsiiasynyń 40% astamy óndiriledi. Ekibastuzdaǵy GRES-1 jáne GRES-2 Qazaqstannyń birtutas elektr energetikalyq júiesiniń soltústik jáne ońtústik aimaǵynyń negizgi energiia kózderi bolyp esepteledi», - degen ministr GRES-1 birinshi energoblokty qalpyna keltirý arqyly stantsiia qýatyn 500 MVt-qa ulǵaitýǵa bolatynyn atady.
«Bul Qazaqstannyń birtutas elektr energetikalyq júiesindegi tutynýdyń boljamdy ósýin qamtamasyz etýge múmkindik beredi. Keshendi josparda kózdelgen investitsiialar somasy 66,5 mlrd teńgeni quraidy. Jobany «Samuryq-Energo» iske asyrmaqshy. Qazirgi ýaqytta Ekibastuz GRES-1 jobasynyń ázirligi shamamen 41,8% paiyzdy quraidy. Onyń ishinde 88,3% eski jabdyq buzylyp alyndy, 33% jańa jabdyq qurastyryldy. Jobany 2023 jyldyń sońyna qarai aiaqtaý josparlanyp otyr», - dedi Maǵzum Myrzaǵaliev.
