Foto: fotokto.ru
Ekibastuzda úsh jasar qyz balanyń ústine abaisyzda ystyq sý tógildi. Sábidi qatty kúiik shalǵan, alaida ata-anasy jedel járdemdi tek 12 saǵattan keiin ǵana shaqyrǵan. Oqiǵa ornyna kelgen dárigerler úsh jasar qyzdyń qaitys bolǵanyn anyqtady, dep habarlaidy Kazinform.
103 qyzmetine qońyraý 30 qazanda túngi saǵat 02:30 shamasynda túsken.
Qaitys bolǵan qyzdyń anasynyń aitýynsha, ápkesi sińlisin shomyldyrmaq bolyp, abaisyzda balanyń ústine qainaǵan sý tógip alǵan. Bul jeksenbi kúni kúndiz bolǵan. Dárigerler sábidiń denesiniń 40 paiyzyn kúiik shalǵanyn aitty.
«Oqiǵa bolǵan kezde bala atasy men ájesiniń jáne toǵyz jastaǵy ápkesiniń qaraýynda bolǵan. Olar kúndiz meditsinalyq kómekke júginbegen, balanyń anasy kúiik týraly keshki ýaqytta bilgen, al túnde jedel járdem shaqyrǵan. Dárigerler balanyń biologiialyq ólimin rastady. Onyń arqasyn, aiaǵyn 2-3 dárejeli termiialyq kúiik shalǵan», - dep habarlady Pavlodar oblystyq Densaýlyq saqtaý basqarmasynan.
Biyl oblystyq balalar aýrýhanasyna kúiik shalǵan 530-dan astam bala tústi. Dárigerler osyndai jaǵdai bolǵanda birden kómekke júginý qajet ekenin eskertedi.
