Foto: Aqorda
Ekibastuzda tehnogendik sipattaǵy tótenshe jaǵdai rejimi jariialandy. Tiisti sheshim jobasy "Ashyq NQA" portalynda jariialandy, - dep habarlaidy «Ult aqparat» Qala ákimdiginiń baspasóz qyzmetine silteme jasap.
"Energy Solutions Center JShS-de oryn alǵan avariialyq jaǵdaiǵa bailanysty Ekibastuz qalasynda obektilik aýqymdaǵy tehnogendik sipattaǵy tótenshe jaǵdai rejimi jariialansyn", - delingen qujatta.
Tótenshe jaǵdai rejimi 1 shildeden bastap qoldanylady.
Qala ákimdiginiń baspasóz qyzmeti málimetinshe, biyl maýsymda Ekibastuz JEO "Samuryq-Energo" AQ-nyń arnaiy qurylǵan enshiles kompaniiasy Energy Solutions Center JShS senimgerlik basqarýyna berilgen. Byltyr stantsiiada negizgi jáne qosalqy jabdyqtarǵa aýqymdy jóndeý júrgizildi. 10 qazandyqtyń 8-i kúrdeli jóndeýden ótti, taǵy ekeýi aǵymdaǵy jóndeýmen qamtyldy, bul jylytý maýsymynda irkilisterdiń aldyn alýǵa múmkindik berdi.
"Júrgizilgen jóndeý naýqany men "Samuryq-Energo" AQ taldaýyn eskere otyryp, Ekibastuz JEO-da №5 qazandyq agregatyna kúrdeli jóndeý jáne "Samuryq-Energo" AQ qarajaty esebinen №9 qazandyqqa aǵymdaǵy keńeitilgen jóndeý júrgizý qajet", - dep habarlady ákimdiktiń baspasóz qyzmeti.
