Foto: Pavlodar oblysynyń Tótenshe jaǵdailar departamenti
Búgin, 26 shilde saǵat 13:24 shamasynda Ekibastuz qalasy Qonaev 5 kóshesinde ornalasqan avtogaz quiý beketinde gaz quiylǵan 4 rezervýar jandy. Sondai-aq oqiǵa ornynda shamamen 40 gaz ballon bolǵan.
Pavlodar oblysynyń Tótenshe jaǵdailar departamentiniń málimetinshe, órt jaqyn mańdaǵy "Ferýza" azyq-túlik dúkenine ótip, shamamen 200 sharshy metr aýmaqtaǵy shatyr, sondai-aq 20 sharshy metr aýmaqtaǵy sý munarasynyń shatyry órtengen.
"Saǵat 15:22-de tsisternanyń janynan jas jigittiń denesi tabyldy. Onyń kim ekenin naqtylanyp jatyr.
Órt saǵat 15:00-de oqshaýlanyp, saǵat 15:44-te sóndirildi. Oqiǵanyń mán-jaiy anyqtalýda.
Jeke sektor joldyń arǵy betinde 100 metrden astam qashyqtyqta ornalasqan. Turǵyndardy evakýatsiialaý júrgizilgen joq" - delingen habarlamada.
