Foto: © Sputnik / Kseniia Voronina
Ekibastuzda belgisiz er azamat atys shyǵaryp, bir adam aýrýhanaǵa tústi, - dep habarlaidy "Ult aqparat" IIM Telegram-arnasyna silteme jasap.
Politsiia málimetinshe, 15 mamyrda saǵat 17:40 shamasynda Ekibastuz qalasy PB kezekshi bólimine M.Júsip kóshesindegi meditsinalyq ortalyqtyń janynda áiel kómek surap jatqany týraly habarlama kelip túsken.
"Atalǵan mekenjaiǵa dereý jedel-tergeý toby jiberildi. Oqiǵa ornyna kelgen politsiia qyzmetkerleri beinebaqylaý kameralarynan jazbalardy alyp, zerdeledi.
Belgisiz adam atys qarýynan Ekibastuz qalasynyń 32 jastaǵy turǵynyna oq atqany anyqtaldy. Er adam aýrýhanaǵa jatqyzyldy. Oqiǵanyń mán-jaiy men sebepteri anyqtalyp jatyr" - delingen habarlamada.
Qylmystyq kodekstiń 24-baby 3-bóligi, 99-baby 2-bóligi 9-tarmaǵy, 293-baby 3-bóligi 2-tarmaǵy boiynsha sotaldy tergep-tekserý bastaldy.
Kúdiktilerdiń biri ustalyp, ÝUI-ǵa qamaýǵa alynǵan. Ekinshi kúdiktiniń ornalasqan jerin anyqtaý jáne ony ustaý boiynsha jedel-izdestirý is-sharalary júrgizilip jatyr.
