Jábirlenýshiniń anasy usynǵan sýret
Ekibastuzda oqý orny aýmaǵynda soqqy kórgen jasóspirimge bailanysty oqiǵadan keiin mektep-litsei basshylyǵynan bastap bes pedagog jazalandy, - dep habarlaidy Tengrinews.kz tilshisi.
Ekibastuzda soqqy kórgen oqýshyǵa qatysty oqiǵa boiynsha aralyq nátije aityldy. Ekibastuz qalasy Bilim bólimi basshysynyń mindetin atqarýshy Dinara Ahmetovanyń aitýynsha, mektep direktorynyń mindetin atqarýshy, direktordyń tárbie isi jónindegi orynbasary, kezekshi ákimshige jáne qaqtyǵysqa qatysqan oqýshylar oqityn eki synyptyń synyp jetekshilerine sógis jariialanǵan. Sonymen qatar, jasóspirimder arasyndaǵy tóbeles sebepteri anyqtalyp jatyr eken.
"Oqýshyny uryp-soqqan bala esepke alyndy. Basqa sharalar qabyldai almaimyz, sebebi sotqa deiingi tergeý júrip jatyr", - dedi Ahmetova.
Sonymen qatar, oqý ornynda qyzmettik tekserý júrip jatyr. Pavlodar oblysynyń bas pedagogy Dinislam Bolathanulynyń aitýynsha, jaqynda Ekibastuzǵa Bilim basqarmasynan komissiia jiberilgen.
"15 naýryzda ata-analardyń shaqyrýymen kámeletke tolmaǵandar isteri jónindegi komissiia ótkizildi. Jan-jaqty talqylaý júrgizilip jatyr. Bul jaǵdaidy jaidan-jai qaldyrmaimyz, qyzmettik tergeý nátijeleri boiynsha tiisti tujyrymdar jasalady. Árine, mekteptegi balalar qaýipsiz bolýy kerek", - dedi óńirlik bilim basqarmasynyń basshysy brifingte.
Aita keteiik, zardap shekken oqýshy ambýlatoriialyq deńgeide em qabyldap jatyr.
"Emdelip jatyr. Jaraqat saldaryn joiý úshin bárin jasaimyz. Ulymyń aitýynsha, sol kúni parallel synypta oqityn bala aldymen dárethanada tiisken. Fýtbol alańynda balalar ulymnyń tóbeleskisi kelmegenin kórgen, óitkeni ol bulai tárbielengen joq. Keiin basynan jaraqat alǵan, tipti ne bolǵany esinde joq. Qazir meni shý shyǵardy dep kinálap jatyr. Degenmen men naqty derek boiynsha aityp otyrmyn", - dep atap ótti zardap shekken oqýshynyń anasy.
