Ekibastuz JEO qyzmetkerleri qaza tapqan áriptesi týraly aitty. Ol qaladaǵy garajdarynyń birinde kólikten óli tabylǵan edi, - dep habarlaidy Massaget.kz portaly.
Jabdyqqa qyzmet kórsetý tsehynyń bastyǵy Aleksandr Sharamonov Sergeidiń jaýapty, kóńildi adam bolǵanyn aitty. Sharamonovtyń sózinshe, Sergei karerasyn slesar bolyp bastaǵan. Ol eki jyl ishinde ýchaske bastyǵy qyzmetine kóterilgen. Sergei jóndeý ýchaskesin basqarǵan, qosalqy jabdyqtar, ainalmaly mehanizmder úshin jaýapty bolǵan. Óte shapshań bolǵan. Áriptesteri ol týraly tek jaǵymdy pikir aitady.
"Slesar bolǵan kezi esimde, ol "tsehtyń kelesi bastyǵy bolamyn!" degen edi, - dep eske aldy Aleksandr Borisovich.
Onyń aitýynsha, kásiporyn marqumnyń otbasyna barlyq qajet kómekti kórsetedi. Sergeidiń artynda 2008 jáne 2019 jyly týǵan eki balasy qalǵan.
"Ekibastuzjylýenergo" JShS ujymy Sergeidiń týystary men jaqyndaryna kóńil aitady.
Eske salaiyq, buǵan deiin Ekibastuzda garajdardyń birinen jergilikti JEO ýchaskesiniń bastyǵy óli kúiinde tabylǵany, ólimniń sebepterin politseiler anyqtaityny habarlanǵan bolatyn. Keiinirek Ekibastuz JEO bastyǵy óliminiń aldyn ala sebebi atalǵan edi.
